ХҮРМЭН ХХК

1995 онд үүсгэн байгуулагдсан манай компани үйлчлүүлэгч та бүхэнтэйгээ өдгөө хорин зургаан жилийг ардаа үджээ. Манай хамт олон үйлчлүүлэгчдийн эрх ашгийг өндөрт тавьж ямагт нэр хүндтэй, шилдэг үйлдвэр, компаниудын чанартай, баталгаатай бараа бүтээгдэхүүнийг нийлүүлж, сэтгэлд нийцсэн үйлчилгээг үзүүлэхэд үйл ажиллагаагаа чиглүүлэн ажиллаж ирлээ.

Эрхэм зорилго
Хууль ёс, компанийн үнэт зүйлсийг эрхэмлэн дээдэлж, бүтээгдэхүүн үйлчилгээг дээд түвшинд хүргэн, салбартаа манлайлж, улс эх орныхоо хөгжилд хувь нэмрээ оруулна

Үнэт зүйлс

  • Үйлчлүүлэгчдийн итгэл
  • Чадварлаг хамт олон
  • Бүтээгдэхүүний хангалттай нөөц
  • Бизнесийн ёс зүй
  • Чин шударга байдал

Алсын хараа
Эм, эмийн бүтээгдэхүүн, үйлчилгээний стандартаа хөгжингүй орны түвшинд хүргэж, Монгол орон даяр нэвтрүүлсэн компани болно

Бид бүгд даяаршил, суурин амьдралаас үүдэлтэй өдөр тутмын хүндрэл, бэрхшээлтэй тулгаран амьдарч байгаа билээ. Хүрмэн эмийн сангийн хамт олон тав тухтай орчинд үйлчлүүлэгч таны хайж буй бүтээгдэхүүнийг найдвартай бөгөөд хүртээмжтэйгээр байлгаж, танд чин сэтгэлээсээ зөвлөн туслахын зэрэгцээ таны биеийн болон сэтгэлийн эрүүл мэндийг өндөрт өргөхийн төлөө хүсэл зоригоо дайчлан, таны Эрүүл Энхийн Баянбүрд болж үйл ажиллагаагаа явуулж байна.

Нийгмийн хариуцлага

Сургалт

Төгсөх курсын оюутнуудад тэтгэлэг олгож, тодорхой
зорилтот гэрээний дагуу төгсөх үед нь ажлын байраа хангаж ажилладаг. Мөн эмнэлгийн байгууллагууд болон ӨЭМТ- үүдтэй сургалт мэдээлэл байнга солилцон ажилладаг

Дархлааг дэмжих аян

Хүрмэн эмийн сан жил бүр Витаминжуулалтын аяныг тогтмол хэрэгжүүлж байна. Тус аяны хүрээнд 200 гаруй нэр төрлийн витамин, амин дэмийг урамшуулалттай хүргэхийн зэрэгцээ, эрүүл мэндийн хөтөлбөр зохион байгуулж, үзлэг оношилгоог хийх зэрэг ажлуудыг зохион байгуулдаг.

Сайн үйлсийн аян

Эрүүл мэндийн байгууллагын хувьд нийгмийн эрүүл мэндийг тодорхой түвшинд сахин хамгаалах үйл ажиллагааг хэрэгжүүлж ажиллах зорилгын хүрээнд нийгмийн эмзэг давхаргын өрхүүд болон алслагдсан дүүргийн иргэдийг ӨЭМТ-үүдтэй нягт хамтран ажиллаж эрүүл мэндийг дэмжлэгийг үзүүлэн ажиллаж байна.

ТББ-ын хамтын ажиллагаа

Лантуун дохио ТББ байгуулагын Ид Шидийн Орон  1 болон 2 төслийн хүүхдүүдэд эрүүл мэндийн тусламжийг дэмжлэгийг үзүүлэн ажиллаж байна. Мөн Хавар, Намрын витаминжуулалтын аяны үеүдэд цэцэрлэг болон сургуулийн бага ангийн хүүхдүүдийн дархлааг дэмжих хөтөлбөрийг жил болгон хэрэгжүүлэн ажиллаж байна.